مصر تدرس نقل الغاز الأذربيجاني عبر خط الغاز العربي لتسويقه في آسيا

مصر تدرس نقل الغاز الأذربيجاني عبر خط الغاز العربي لتسويقه في آسيا: "

اتفقت مصر وأذربيجان على إقامة تحالف استراتيجي طويل المدى في مجالي البترول والغاز، من خلال إقامة مشروعات مشتركة بين الدولتين في استكشافات النفط والغاز وإنشاء شركات تعمل في مجال النقل والتكرير.

"

Distracting people from the real parallel path – from CNN Arabic

الزميل جون دفتريوس، معد ومقدم برنامج "أسواق الشرق الأوسط الجديد يقوم بتسجيل انطباعاته ومشاهداته أسبوعياً، ويطرح من خلالها، وبلغة مبسطة، رؤيته لاقتصاد المنطقة، انطلاقاً من خبرته الطويلة في عالم الصحافة الاقتصادية.

وفي هذا الأسبوع، يكتب جون زاويته حول "حرب الأنابيب".

هناك صراع يلوح في الأفق بين طرفين، لكن هذا الصراع لا يقوم على فريقين يتنافسان في مسابقة لشد الحبال، بل بين منظمتين تحاول كل واحدة منهما رؤية خط أنابيها وقد ارتسم على أرض الواقع، وبالتأكيد سيكون لهذا الصراع أثره على الشرق الأوسط، لكن الصورة التي سيظهر هذه الصراع من خلالها ما تزال غامضة.
فقد جمعت قمة "الغاز الطبيعي والشراكة والأمن لأوروبا" التي عقدت في العاصمة البلغارية صوفيا قبل أيام 29 زعيماً من حول العالم، حيث جرى التوقيع على إعلان يدعم "التطوير السريع للبنية التحتية في قطاع الغاز لضمان تنويع مصادره،" وهو تعبير ملطّف، استخدمه قادة أوروبا للتعبير عن قلقهم حيال الانقطاع المتكرر لإمدادات الغاز الروسي خلال السنوات الثلاث الأخيرة.

لكن كيفية ترجمة ذلك عملياً ما تزال غير واضحة، فتركيا تقدم نفسها على أنها لاعب أساسي في مسار خط أنابيب "نابوكو" الذي خطط القائمون عليه لمده على طول 3300 كيلومتر لاستجرار الغاز إلى أوروبا من حقول بحر قزوين، ويحظى المشروع بدعم الاتحاد الأوروبي والولايات المتحدة، وتناهز تكلفته ثمانية مليارات دولار.

وعلى الزاوية الأخرى من حلبة الملاكمة هذه، يقف مشروع "التيار الجنوبي" الروسي، الذي من المقدر أن تبلغ تكلفته عشرة مليارات دولار، ويقوم على مد أنبوب غاز من روسيا إلى إيطاليا عبر البحر الأسود  وبلغاريا، وهو ينعم بمباركة ألمانيا التي تجمعها بموسكو علاقات جيدة منذ سنوات.

وكان الرئيس التركي، عبدالله غول، قد قال إن لدى بلاده "الإرادة السياسية" للمساعدة بتنفيذ مشروع "نابوكو" لكن يبدو أن سائر الدول ليست متحمسة بالقدر نفسه.

ومن المنتظر أن يصدر موقف رسمي حيال مستقبل المشروع في يونيو/حزيران المقبل، وتقوم مجموعة من الدول الضالعة فيه، وبينها أذربيجان وتركمانستان وكازاخستان بتحركات دبلوماسية تهدف إلى دعمه، بينما بدأت دول في الشرق الأوسط بالدخول على الخط عبر عرض عضلاتها في مجال الغاز وتصديره.

روابط ذات علاقة

• دفتريوس: ترتيب الأولويات التجارية.. من منظور فرنسي
• الزميل جون ديفتريوس: ما وراء الجولة الثالثة لقمة مجموعة العشرين
• العقار لم يعد "دجاجة تبيض ذهباً" والخليج يبحث عن "هوس" جديد

فقطر، بحسب الخبير النفطي مهدي فارزي، متقدمة كثيراً على صعيد مشاريع تصدير الغاز، وخاصة مع مشروع "رأس لافان" الذي يرى المدير التنفيذي لشركة "غاز قطر،" فيصل السويدي، أنه يشكل "مستقبل البلاد" بسبب كمية الاحتياطيات الموجودة.

فرغم صغر حجمها الجغرافي، فإن قطر تتربع فوق أكبر حقل غاز في العالم، وتضم أراضيها كميات من هذه المادة تضعها في المركز الثالث من حيث الاحتياطيات العالمية بعد روسيا وإيران، وهي تصدّر حالياً الغاز إلى الإمارات وسلطنة عُمان من خلال مشروع "دولفين،" كما تقوم بإمداد السوق البريطانية بكميات كبيرة من الغاز المسال.

ويبدو أن إيران تسعى بدورها إلى المشاركة في مشاريع الغاز، حيث أعلنت طهران الأسبوع الماضي أن شركة "صينوبك" قد تنضم إلى شركتي "ريسبول" و"شل" لتطوير مرافق لتصدير الغاز المسال، على أن يتخذ الجانب الإيراني قراراه النهائي على هذا الصعيد أواسط مايو/أيار الجاري.

ويقول فارزي، وهو من أصول إيرانية، إن مشاريع الطاقة في إيران أمر "معقد" وذلك بسبب الانقسامات السياسية في البلاد.

كما أن تأثير العقوبات يبدو واضحاً، وذلك بالرغم من قيام الإدارة الأمريكية الجديدة بتقديم "غصن الزيتون" لإيران، لذلك تفضل الشركات العالمية التريث بانتظار أن تضع الانتخابات الرئاسية الإيرانية أوزارها في يونيو/حزيران المقبل قبل الشروع في استثمارات قد تحمل بعض المجازفة.

وفي سياق متصل، فإن المشروع الذي يعرف باسم "أنبوب السلام" للغاز، الذي يبدأ من إيران ويصل إلى الهند مروراً بباكستان، يعاني بدوره جراء الوضع السياسي، فرغم الحديث عنه لسنوات طويلة، غير أن ضغوطات واشنطن تركته مجمداً حتى الساعة.

وما يزيد من التشويق المتعلق بـ"صراع الأنابيب" هذا هو أن دولاً أخرى من المنطقة، مثل الإمارات والسعودية والجزائر، تمتلك بدورها مخزوناً كبيراً من الغاز.

كما أن أسعار الطاقة الحالية تزيد من تعقيدات الوضع، ففي حين أن برميل النفط يتداول عند مستويات تقارب 50 دولاراً بسبب أوضاع الاقتصاد العالمي، فإن كمية مماثلة من الغاز لن يتجاوز ثمنها 20 أو 30 دولاراً، كما أن معظم كميات الغاز تنقل حالياً حول العالم باستخدام الأنابيب، وذلك بخلاف النفط.

ومع الفائدة البيئية والاقتصادية لاستخدام الغاز كوقود في المصانع والمنشآت، فإن دول الشرق الأوسط، التي تمتلك 45 في المائة من احتياطيات الغاز في العالم، تبدو أمام فرصة واعدة للاستثمار وتحقيق أرباح، غير أن تطوير بنية تحتية مناسبة للتصدير إلى الأسواق العالمية يبقى التحدي الأساسي.

EGAS - مصر كوسيط تجاري عالمي في الغاز

ستقبل سامح فهمي‏,‏ وزير التبرول‏,‏ السيد ناطق علييف وزير الصناعة والطاقة الأذربيجاني الذي يزور مصر حاليا تلبية لدعوة وزير البترول علي رأس وفد بترولي رفيع المستوى.

من المسئولين بشركة البترول الوطنية الإذربيجانية‏ ‏ حيث تناول اللقاء بحث سبل تعزيز التعاون المشترك بين مصر وأذربيجان في مجال البترول والغاز وإقامة مشروعات بترولية مشتركة في جميع المجالات بين البلدين لاسيما في ضوء اهتمام القيادة السياسية في كلا البلدين بتعزيز التعاون في هذا المجال لدفع العلاقات الاقتصادية المشتركة‏.‏

وأشار وزير البترول عقب المباحثات‏,‏ أنه بحث مع الوزير الإذربيجاني إقامة تحالف استراتيجي طويل المدي بين البلدين في مجال البترول والغاز يشمل دراسة الاستفادة من المبيعات الزائدة في البنية الأساسية البترولية والغازية في مصر التي تم تطويرهاوتحديثها في السنوات الماضية والمتمثلة في معامل التكرير وخطوط نقل البترول والغاز ووحدات إسالة الغازالطبيعي‏,‏ حيث ستتم دراسة زيادة توريد الخام الأذري المورد لمعمل تكرير ميدور‏,‏ والاستثمار المشترك في تطوير وزيادة سعة معامل التكرير المصرية والاستفادة من تسهيلات شركة سوميد للمساهمة في نقل وتخزين الخام الأذري والمنتجات البترولية إلي الأسواق الآسيوية مع دراسة نقل الغاز الأدري عبر خط الغاز العربي واسالته في وحدات الاسالة المصرية وتسويقه بما يسهم في تحقيق الاستغلال الاقتصادي الأمثل للطاقات المتاحة بمعامل التكرير المصرية ووحدات الإسالة وتدعيم دور مصر كبلد عبور للطاقة‏.‏ من جانبه أشاد وزير الصناعة والطاقة الأذربيجاني بالتطور الذي شهدته صناعة البترول المصرية خلال الفترة الماضية‏,‏ مشيرا إلي أنه قام بجولة تفقدية لعدد من المشروعات البترولية الكبري في مصر‏.‏

مقال جميل من المصريون

الدين العام .. سبب الجبايه وتدنى الخدمات

ممدوح الولى   |  08-12-2010 23:48
* * حسنين : سمعت وزير الماليه بيقول إن الدين العام تراجع . وعجز الموازنه تراجع . وخلال سنوات قليله الأمور كلها ها تتحسن خالص .
= = = محمدين : تعرف إن أخطر مشكله تخص المواطن العادى . هى موضوع الدين العام بتاع مصر . الناس فاكره إن المسأله تخص الحكومه . رغن إن هما اللى بيدفعوا الثمن . كل يوم .
سواء فى التعليم الفاشل بالدروس الخصوصيه . أو فى المستشفيات التعبانه بالعلاج الخاص . أو فى حوادث الطرق والقطارات وزحام المواصلات وطوابير تراخيص المرور .وغيرها من الطوابير .
ياسيدى : المفروض إن الدين العام ده متكون من حاجتين . الدين المحلى والدين الخارجى .
* * حسنين : إيه بقى الدين المحلى ؟ كل شويه يقولوا فى التلفزيون الدين المحلى نزل . الدين المحلى نزل .
= = = محمدين : الدين المحلى دا الدين إللى على الحكومه .
* * حسنين : ( مندهشا ) نعم ! وهى الحكومه مديونه زينا ؟
= = = محمدين : الحكومه بقالها سنين طويله عندها عجز فى الموازنه بتاعتها . يعنى الفرق إللى بين ايراداتها ومصروفاتها . دا حتى العجز دا وصل 191 مليار جنيه السنه إللى إحنا فيها .
* * حسنين : علشان كدا الحكومه بتستلف . ودى بتستلف منين ؟
= = = محمدين : شوف زى أى رب أسره دخله أقل من مصاريفه . يقوم يشترى على النوته من البقال أو الجزار أو اللبان . أو يستلف من واحد صاحبه أو يعمل قرض من بنك . نفس الحكايه الحكومه بتستلف من البنوك . من البنك المركزى . من الخارج . من السوق المحلى .
يعنى تصدر حاجة إسمها أذون الخزانه بكذا مليار جنيه بفائده حوالى عشره فى الميه . تقوم البنوك والناس الكبار جوا وبرا يشتروها ويعطوا الحكومه فلوس بقيمتها . كمان الحكومه تعمل حاجة إسمها سندات الخزانه بكذا مليار جنيه برضه بفايده . تبيعها للبنوك وللشركات وتاخد فلوسها تفك بيها زنقتها .
* * حسنين : يعنى ديون الحكومه على شكل أذون خزانه وسندات خزانه بفوائد .
= = = محمدين : الحقيقه علشان الديون بقت كبيره . أشكال الديون بقت متنوعه . ومعدتش الأذون والسندات كافيه لوحدها . يعنى عملت شهادات الإستثمار تلم بيها فلوس . وبتاخذ الودائع إللى عند صندوق توفير البريد وخدت فلوس صناديق التأمينات والمعاشات .
* * حسنين : وصلت كام الدين المحلى بتاعنا ؟
= = = محمدين : فى آخر شهر يونيو إللى فات بقت 889 مليار جنيه . وطبعا الرقم دا بيكبر كل شهر لأن عداد الفوائد شغال على القديم . علاوه على الديون الجديده . يعنى نسدد أذون ولا سندات حل ميعادها . ونطلع أذون وسندات جديده بدلها .
* * حسنين : طيب دى الديون المحليه . ياترى بقى الدين الخارجى حكايتة إيه . موش كنا قلنا لما دخلنا حرب العراق . الدول الكبيره أعفونا من الديون الخارجيه . وضغطوا على دول الخليج تشطب الديون إللى على مصر ليهم .
= = = محمدين : ساعتها عفونا من جزء من الديون الخارجيه موش كلها . وطبعا من وقتها فيه فوائد على الدين . وساعات نستلف تانى . وطبعا الدين كبر مره ثانيه . لحد ما وصل حوالى 34 مليار دولار فى شهر يونيو إللى فات . يعنى حوالى 192 مليار جنيه
ودى فلوس علينا لدول كثيره زى أمريكا وفرنسا واليابان . ودول عربيه ومؤسسات دوليه وإقليميه كنا مستلفين منها .
* * حسنين : يعنى عايز تقول 889 مليار جنيه دين محلى . و192 مليار جنيه دين خارجى . يعنى حسبة 1 تريليون و80 مليار جنيه مجموع الدين العام .
فيها إيه دى .. دا حتى الناتج المحلى بتاع مصر فى سنه واحده أظن إنه أكبر من كدا . وبعدين ما كل الدول مديونه . إنت ناسى إن إحنا دخلنا كام حرب ؟
= = = محمدين : فيها كتير يا حسنين يا خوى . تخيل لو فيه رب أسره بيصرف ألفين جنيه فى الشهر ودخله 1400 جنيه . كل شهر بيستلف 600 علشان يعرف يعيش . لحد ديونه ما كترت وبقت أقساط وفوائد الدين إللى عليه بتكلفه هى كمان 500 جنيه كل شهر . ممكن الراجل دا يصرف كويس على عياله ولا يعرف يسدد ديونه ؟
* * حسنين : طبعا صعب .. هو عارف أصلا يغطى مصروفاته الأصليه . علشان يسدد ديونه .
= = = محمدين : لو بصيت فى الموازنه بتاع السنا دى . حتلاقى مصروفات الحكومه 490 مليار جنيه . لكن إيراداتها 299 مليار بس . يعنى فيه عجز عايزه تستلفه السنا دى 191 مليار جنيه .
وزى أى رب أسره بيصرف على الأكل والشرب واللبس والمواصلات والتعليم والصحة . الحكومه عليها مصاريف أجور للموظفين بتوعها . وعليها تأمينات بتدفعها ودعم للسلع ومعاشات وجيش وأمن وتعليم وصحه وكبارى وطرق وصيانه .
* * حسنين : يعنى الحكومه بالهيلمان بتاعها والشنه والرنه مزنوقه زينا .
= = = محمدين : خد أرقام مصاريف الحكومه بتاع السنا دى حتلاقى : 117 مليار جنيه للدعم . و 95 مليار للمرتبات ما هى عندها حوالى 6 مليون موظف . و40 مليار للاستثمارات بتاع الكبارى والطرق والمستشفيات والمدارس وباقى المرافق . و29 مليار للصيانه وكتب المدارس والميه والنور والبنزين للمصالح الحكوميه وأدوية ولوازم المستشفيات .
عارف أكبر بند فى مصروفات الحكومه إيه ؟ . أقساط وفوائد الدين المحلى والأجنبى . دا بند واخد 173 مليار جنيه . متقسمه 91 مليار للفوائد بتاع الدين و82 مليار للأقساط بتاعته . يعنى زى ما أنت شايف دا أكبر بند فى مصروفات الحكومه .
* * حسنين : يعنى عايز تقول إن المصاريف إللى رايحه لفوائد وأقساط الدين ال 173 مليار أكبر من بند المرتبات . ومن البند إللى ها تعمل بيه كل المرافق طوال السنه . ومن الدعم اللى بتزلنا بيه .
= = = محمدين : علشان كدا الدين العام بتاع البلد هو عقدة الموازنه . زى ما أنت شايف الموازنه عليها فوائد وأقساط ب 173 مليار . وها تستلف 191 مليار جنيه جديده لسد العجز الجديد .
وطبعا السلف الجديد ها يكون له فوائد وأقساط السنه الجايه .ها تتضاف على أقساط وفوائد الديون القديمه . يعنى ها يكبر المبلغ المطلوب للفوائد والأقساط فى الموازنه الجايه . ودا ها يخلى الحكومه تستلف أكتر السنه إللى جايه . يعنى دوامه ما ها تخلص .
* * حسنين : علشان كدا دائما وزير الماليه لما نقوله زود العلاوه يقول ها جيب منين .
= = = محمدين : طبعا .. إذا كان موش عارف يدبر فلوس المرتبات ها يزودها إزاى ؟ وطبعا دا نفس السبب إللى بيخلى أى مشروع ممكن يخلص فى 3 سنين يخلص فى عشره . يعنى لو فيه مستشفى ولا طريق ولا كوبرى . عايز مليون جنيه علشان يخلص . يفضل الوزير كل سنه يخصص له مائة ألف جنيه بس .
* * حسنين : طب لما هى الحكاية كدا أمال ليه المؤتمرات والمهرجانات والرحلات والبعثات بتاع الريس والهانم وولى العهد ما بتنتهيش . ما يلموا الدور بقى . ويراعوا الحاله إللى إحنا فيها .
= = = محمدين : أى حد عنده عجز فى ميزانيته سواء رب أسره ولا شركة ولا دوله . قدامه سكتين للعلاج . إما يقلل مصاريفه . أو يزود ايراداته . أو يمشى فى السكتين مع بعض . إحنا بقى ما نقدرش على زعل الهانم . لازم تعمل قمة للمرأه فى أفريقيا ومنظمه للمرأه العربيه .وحركه دوليه للسلام وجمعية خدمات وغيره إشى كتب وإشى طفوله وإشى وفود جايه ووفود رايحه برا . طبعا دا كله علشان مصر ! هما بيقولوا كدا .
وكل وزير مروق نفسه عربيات آخر شياكه وسفريات ولابد ياخد معاه الصحفيين بتوع الوزاره . وبدلات له وللحبايب حواليه على حساب الموازنه المديونه . تصور عندنا 35 وزير . دا غير رؤساء الهيئات . علشان كدا إحنا ما شيين فى سكة واحده بس وهى زيادة الايرادات ..
نزود الضرائب . نعمل ضريبة عقاريه . نعمل رسوم ودمغات نرفع أسعار استخراج شهادات الميلاد وثايق الزواج . وكل وزير ولا محافظ ولا حتى رئيس هيئة تطلع فى دماغه فكره جبايه ينفذها على طول .
* * حسنين : يعنى إحنا اللى بندفع ثمن البغدده بتاع الكبار . هما يعيشوا فى قصور ويسافروا فى طايرات خاصة . ويعملوا مهرجانات . يقوم العجز بتاع الموازنه يزيد . فما يقدروش يحسنوا المرتبات ولا يزودوا مصاريف المرافق والخدمات . فنستمر نعيش فى الضنك .
وبدل ما يرحمونا ويسيبونا فى حالنا إللى يصعب على الكافر . يتفننوا فى أنواع جبايه جديده . ويفرضوا علينا جباية إضافيه مع كل معامله بنعملها مع أى جهه حكوميه . موش عارفين إن احنا بندفع إكراميات علشان نمشى أى مصلحه .
= = = محمدين : فيه خطر تانى . فاكر من شويه لما قلت لى : " وفيها إيه ما كل الدول مديونه " . وإن الناتج المحلى بتاعنا أكبر من الدين .
إذا كان مجموع الدين العام 1 تريليون و80 مليار . فالناتج بتاع مصر بالأسعار الجاريه 1 تريليون و150 مليار . يعنى نسبة الدين العام للناتج 94 % .
ولو قسمت الدين على الناتج المحلى بالأٍسعار الثابته ودى قيمتها 838 مليار جنيه . تطلع النسبة 129 % .
* * حسنين : موش فاهم تقصد إيه ؟
= = = محمدين : الدول الأوربيه قالت إن حد الأمان لأى بلد . إن نسبة الدين تكون فى حدود 60 % من الناتج . أظن سمعت عن مشكلة الديون بتاعة الدول الأوربيه خصوصا اليونان وأيرلندا والبرتغال وأسبانيا . إللى أثرها وصل العالم كله .
عارف نسبة الدين الحكومى للناتج وصلت كام السنه إللى فاتت فى الدول الأوربيه . فى بلغاريا 15 % ورومانيا 24 % وسلوفاكيا والتشيك 35 % . وفى الدانمرك 41 % والسويد 42 % وفنلندا 44 % وبولندا 51 % وفى أسبانيا إللى العالم خايف منها 53 % .
* * حسنين : أنا سمعت فى التلفزيون إن فيه دول أوربيه عدت حد الأمان .
= = = محمدين : الدول الأوربيه إللى تخطت نسبة الأمان عملت خطط تقشف السنا دى . علشان تنزل النسبة . لأن النسبه كانت وصلت السنة إللى فاتت 61 % فى هولندا و66 % فى أيرلندا و68 % بانجلترا .
و73 % فى ألمانيا و76 % فى البرتغال و78 % فى فرنسا والمجر . و96 % فى بلجيكا . تصور هما دولتين بس من بين دول الاتحاد الأوربى السبعة والعشرين إللى عدوا نسبة 100 % . ايطاليا 116 % واليونان 127 % . يعنى إحنا عدينا نسب الأمان . سمعت عن خطة تقشف عندنا لتنزيل النسبة زيهم ؟
* * حسنين : لكن أنا سمعت برضه فى التلفزيون إن النسبة فى مصر 55 % بس . دا حتى النسبة دى مكتوبه فى نشرات البنك المركزى .
= = = محمدين : أهو دا إللى إحنا فالحين فيه . نلعب ونزوق البيانات . عارف دى نسبة إيه ؟ دى نسبة الدين الحكومى بس للناتج . فى حين أن الدين الحكومى دا جزء من ثلاث مكونات للدين المحلى .
يعنى مع الدين الحكومى فيه دين الهيئات الاقتصاديه ودين بنك الإستثمار القومى . وطبعا فيه الدين الخارجى كمان . فلو المسؤل أمين مفروض يجمع كل أنواع الديون علشان النسبة تكون مضبوطه .
* * حسنين : يعنى المسؤلين بياخدوا جزء من الدين العام . ويقسموه على الناتج علشان الصوره تطلع حلوه . أقصد النسبة تطلع حلوه .
= = = محمدين : موش كدا وبس . فى سنة 2006 عملوا سندات بمديونية بنك الاستثمار القومى لصناديق المعاشات قيمتها 198 مليار جنيه . ومن وقتها نزلوا نسبة الدين المحلى الى الناتج بحوالى 11 % .
وكأنهم لما طلعوا السندات سددوا الدين . رغم إن العمليه هى مجرد تحويل الدين من جهة حكوميه الى جهة حكوميه ثانيه . يعنى زى ما بنك الاستثمار القومى تابع لوزارة الماليه فصناديق التأمينات تابعه برضه لوزارة الماليه .
* * حسنين : يعنى تلاعب وضحك على الدقون . وحلول على الورق . فينك يا صندوق النقد الدولى . تيجى تشوف إللى بيحصل لينا من المسؤلين بتوعك .